سامسونج س3 رووت

مرحبا اصدقائي .. بهي التدوينة رح احكي و باختصار عن كيف نعمل روت لجهاز سامسونج غلاكسي س3 .

قبل ما نبلش طبعا لازم تقراو و تعرفو التالي

اللي انته عم تعملو ممكن يخرب الجهاز و يصير الجهاز تبعك عبارة عن مكعب ما الو اي هدف بالحياة غير انو ياخد حيز و ممكن تستعملو مشان تحطو فوق الجبنة البيضا مو اكتر

و هلا قبل ما نبلش نتاكد من التالي:

1-اهم شي اتاكد من موديل جهازك هي الطريقة مو للجهزر اللي جايه من اميركا لانو معالجها غير … افضل طريقة للتاكد هيه

-روح على الاعدادت بعدين اخر شي بالقائمة حول الجهاز رقم الطراز لازم يكون GT-I9300

2-الجهاز لازم يكون مشحون اقل شي 70% من البطارية
3-نزل الملفات التالية على سطح المكتب

-اودين هاد البرنامج اللي بيفتح الجهاز و بينزل الملف الجديد فيه و بدك الملف و هوه بهاد الرابط 

طبعا الملفات مضغوطة فك الضغط و حطهون بملف واحد ( في ملف رح يكون من نوع (.tar)  هاد لا تفك ضغطو خليه متل ما هوه و اسمو CF-Root-SGS3-v6.4.zip

4- انو الكمبيوتر اللي رح تشتغل منو ما رح يطفي و انته بنص الشغل

5-ازا السامسونغ كايز شغال سكرو نهائي

6-اخر شي لازم قبل ما نبدا نروح على الخيارات بعدين اعدادات المطور و نختار تصحيح USB

هلا جاهزين و كلو تمام يلا نحرر الجهاز

 

7- اطفي الجهاز نهائيا و بدنا نشغلو بوضعية التنزيل

  •    -اضغط على زر تنزيل الصوت + كبسة الهوم (ماغيرها اللي بالنص) + زر التشغيل
  •    -رح يشتغل الجهاز و يطلعلك مسج اكبس زر تعلاية الصوت

 

هلا  الجهاز جاهز للتنزيل

 

شغل برنامج الاودين بعدين اشبك الجهاز باليو اس بي

لازم الاودين بصير شكلو هيك بالزبط

 

لاحظ المربع الازرق (ممكن يكون عندك لونو غير عادي) المهم هاد رح يبين لما البرنامج يلاقي جهازك و يتعرف عليه و بمربع (Message) رح يعطي رسالة (added) يعني اضافو

هلا بنكبس على كبسة PDA و بندور على الملف اللي نزلناه و اسمو  CF-Root-SGS3-v6.4.tar

و رح يصير شكل الاودين هيك بالزبط هيك ولا صح زيادة ولا صح ناقص

 

طبعا الفرف الوحيد بين الصورة و اللي رح يكون عندك هوه مكان ملف ال .tar مو اكتر

تمام هلا كلشي جاهز …

قوي قلبك و اكبس ستارت و تروك كلشي متل ما هوه لو طول شوي عادي ما ترتعب تركو بس يخلص رح الجهاز يعمل ريستارت  استنى لحتا يشتغل الجهاز بشكل كامل و الاودن يعطيك علامة success

وقتها افصل الموبايل من الابتوب  .. و شوف الشباب شو بيحكولك عن ال في بي ان

 

بعدين بوشك و على المظاهرة

ملاحظة :

ازا بنص التنزيل علق الجهاز  و طزل طول منيح يعني عم نحكي عن حوالي نص ساعة لساعة .. او عطاك رسالة فشل (Fail)  لا ترتعب ولا تسبني … روق اطفي الاودن افصل الجهاز و شيل البطارية من الجهاز

استنى ابو 5 دقايق بعدين بعدين رد عيد من الخطوة 7

 

 

 


5 Responses

  1. بكر قال:

    أنا ذهني سميك! قرأت كل شي! بس ما عرفت, بشو ممكن يفيدني هالحكي المكتوب هون! حاسس حالي متل ستي ما بتعرف شي بالتقنية!!

  2. بكر قال:

    صحي!! الله يعطيكن العافية على شغلكن :) موفقين. :)

    • mshayeb قال:

      بكر صديقي الروت بيصير مشان تاخد صلاحيات كاملة على الجهاز ( نظام التشغيل بالاحرى) و منها بتقدر تتحكم اكتر بالجهاز و تعطي برامج تانية هي الصلاحية متل برامج الفي بي ان ( مو دايما مطلوبة بس مثال )

      او انك تقدر تنزل رومات جديدة معدلة

  3. تحدوه قال:

    الطريقة ناجحة وشغالة 100% وانا جربتها ومثل الليرة

    مشكور يا حبيب

  4. Muz Khan قال:

    dear sir it is not working for rooting my android device samsung s3, please guide

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

© Syria Droid 2012